Дзень беларускага пісьменства — нацыянальнае свята ў Рэспубліцы Беларусь, якое адзначаецца з 1994 года ў першую нядзелю верасня. Штогод яно святкуецца ў розных гарадах з багатай гістарычнай спадчынай, даўніх цэнтрах асветы, культуры і кнігадрукавання.
  Ужо стала добрай традыцыяй на першым тыдні верасня адзначаць і ў школе Дзень беларускага пісьменства. Не стаў выключэннем і гэты год. 3 верасня навучэнцы пазнаёміліся з традыцыямі святкавання Дня беларускага пісьменства ў Беларусі. Даведаліся, што за час правядзення свята набыло агульнанацыянальны статус, стала значнай падзеяй у культурным жыцці краіны.
Вучні і настаўнікі сталі ўдзельнікамі стварэння зборніка пісьменнікаў-юбіляраў, а пакуль рыхтаваліся старонкі, ім давялося апрабаваць свае сілы ў першай настольнай гульні на беларускай мове.